والـله لعز النفــس واحفظ مقـامي
في نايــفٍ دونه مـدى كل مقـــدار
واعلي اسمي فـوق كل الأســامي
حتى تصـدَر بـه عـناوين الأخبار
أنـــا ولــد شيــخٍ عزيـــزٍ عصامي
حــــرٍ كــريمٍ صــارمٍ نـــادرٍ نــــار
الي يفــك المشــكلات الجســــامي
الي شـموخه يتبعه ويـن ماســـار
هــذاك أبو محــمد كعــام الكـعامي
الي برايــــه يهــــتدي كـل محـتار
يــاما سـهر والنــاس كانوا نيـامي
و يـاما تحـدَى لاجلنا كل الاخطـار
هو عـزوتي هو قدوتي هو إمامي
أقولها معـــتز و اقــولها اكــبــــار
والي فرض لاهل الصـلاة الصيامي
والي تَنَزل رحـــمته وقـت الاسحار
ماجالســوه إلا الرجـــال الكـــرامي
الــمـتقين المـســتقيمين الاخــــيـار
وان قابلوه اهـل الحسـد واللئامي
تكشـــفوا لـــو مـثلوا كــل الادوار
وانا عـــريبٍ بالنســـب وبعــمامي
الي لهم بين العـرب كـار و كبـار
واليـــوم أبوفي بالوعـد والــتزامي
يوم التحدي زود اصراري اصرار
الشعر لو هو في هجير و مظامي
صحرا يباسٍ واعتلى جـوَه اغـبار
يجيه من وبــل المــزون الركامي
سحابتي غطَت على كل الامصـار
والمنتظـــر للمنتظــر مــا يـــلامي
لـ قال أنت الغيث واشعارك أمطار
هــذا وانــا ماقلل مــن احــــترامي
لاهل الفكر واللي يقولون الاشعار
لكـن وقــوفي يحـتمي بــه كـلامي
والشعر لي . والي يقولونه اكثار
ليست هناك تعليقات:
إرسال تعليق