لا عـاد تـنشـد يـا محمـد عـن الحــــال
أصعب جواب إن قلت لك كيف حــالي
حمـلي ثقيـل وضـيقـة الصدر والبـــال
مـا دورت للـحـين واحــــــد بـدالـــــي
لـكـن عـلى الله فـارج الـهـــم تــنــزال
حمـولـي الي مثـل ســود الجبـــــــالي
ياخـوي أنا وان كان هالوقت بي مـال
ومصـيبتي جـت فـوق قدر احتمــالي
لـي عـزةٍ مـابـيـعهـا بحـذفة عـقـــــال
لـو كـــان كـل الـي بـقـى لـي عقالــي
بـعـيش عـمـري مـا تـرجـيـت رجــال
ولا طـلبـت إلا عـزيـــــز الـجـلالـــي
الـوقـت ســلمه بـين تـبديـل واخـــلال
مـركـب غـJريـب ورحـلتـه للـزوالــي
تـشوف فـيـه الـناس أجـنـاس واشكـال
محـدٍ تـقـول انـه مـن الـهـم خـالــــــي
كـم واحـدٍ خـانـه ردى الـحـظ والـفــال
يـعني جـرى لـه شـي ممـا جرى لـــي
لا ضـاقـت الدنيـا تـقـل جـال في جــال
وتـقـطـعت بـيــــــــديـه كـل الـحبـالي
طـاح وتـبـعـه الــهـم فــي كل مـقيـال
والليـل سـوى بــــــه سـواة الـليـالــي
لـ ارخى عليه الحزن والدمع لا سـال
ومن العتـب لـ ارهـــى شبوب الدلالي
ثـم مـد لـه مـن دلة اللـــوم فنجـــــال
مـدري كـرم مـدري يحـب التســـالي
بالله مـن يسـلي علـى صـوت مـــوال
( لا خاب ظنـك بـالـرفيـق المـوالي )
الليـل طـال وهاجسـه هـاجـس الــذال
والنـوم ما يـلقـى لعـينـه مجـالـــــــي
هـذاك حـالي بس يـاخــوي مـن قــال
إنـي مـ احسّـب كـم رفيـقٍ بقى لـــي
أهـل الـوفـا يـلقـون تقـديـر واجــلال
وللـي مقفّـي قـلـت مـانـي لحـالــــي
طاح العتب بحساب مـ البس من نعال
قـدر الـردي بحـسـاب قـيـمة نعالــي
والاّ انـت وافي جعـل يفداك الانـذال
ومـكانتـك تـبـقى عـلى كـل عـالــي
لك يا محمد مـثل ما لـ احـمد أفضال
مـواقـفٍ تـشـهـد على ما مضى لـي
إخـوانـي الـي مـن بغـى فَي وظـلال
من الهـجيـر لـظلـهـم جـاك جـالـــي
تـبقـون ذخـرٍ لي على كـل الاحـوال
ويبقى الـسؤال.ومن يجاوب سؤالي
من لا يعز الـنفس .. لاعاش باذلال
بـالله وش يـنعـد بـيـــن الـرجـالـي
ليست هناك تعليقات:
إرسال تعليق